Paraqitja e Fiorentinës sot ndaj Juventusit, duket se e ka kënaqur Rocco Commisson, presidentin e ri të klubit vjollcë.
Prezent në stadiumin “Artemio Franki” në barazimin me bardhezinjtë, për mediat pas takimit ai u shpreh: “Jam shumë i lumtur me lojtarët e mi. Ishte ndeshje fantastike. Çunat dhanë zemrën në fushë, dhe luajtën deri në fund. Sipas shifrave, duhej të humbnim 6-0, por barazuam. Ribery? Ai është 36 vjeç dhe luajti më mirë se Ronaldo. Chiesa dhe Castrovilli ishin fenomenalë”.