Futboll Kategoria Superiore Sport

DOPIETA E FILIT NDERON LUFTËTARIN/ Gjirokastritët “zhytin” Flamurtarin në krizë

Luftëtari i Gjirokastrës arriti që të marrë fitoren e parë në kampionat, teksa në shtëpi mundi me shifrat 2-1 Flamurtarin, teksa të dyja ekipet vinin me 0 pikë në këtë takim.

Pjesa e parë në Gjirokastër u mbyll pa gola, teksa që në fillim ishin vendasit që e kërkonin më shumë golin, por pa sukses.

Me nisjen e së dytës, ishte Fili që gjeti menjëherë golin në minutën e 53-të. Deliaj shkakton faull brenda zone, dhe nga pika e bardhë nuk gabon Fili.

Gjithsesi, vetëm pak minuta më pas, në të 72-tën, Sukaj i shpëton mbulimit në qendër të zonës, dhe mposht Paiteris me kokë, duke vënë baraspeshën në Gjirokastër.

Teksa duket se ekipet do ndanin nga një pikë, nuk ishte i këtij mendimi Fili. Sulmuesi gjeti golin e dytë personal pak minuta para mbylljes së takimit, duke i dhënë avantazhin Luftëtarit, dhe kështu fitoren e parë në kampionat, që sjell edhe 3 pikët e para. Nga ana tjetër, ekipi i Sadedinit mundet sërish dhe në krizë të plotë, e sheh veten në vendin e fundit me 0 pikë.

Related posts

KAOS TOTAL/ Matic: Tani do të shohim se kush janë liderët e Man United

Isa.Autor

LIVE/ Partizani-Skënderbeu, Zhbllokohet sfida në “Selman Stërmasi”, Belica shënon me… shpatull

Delo.autor

“KATALANASIT” NË KOLAPS/ Barcelona, 1 miliard euro për të fituar asgjë

Delo.autor

Leave a Comment