Tifozët e futbollit janë të njohur për brohorimat e tyre në shkallët e stadiumit në mbështetje të skuadrës së tyre të zemrës.
Por një video e tifozëve kroatë, e filmuar gjatë udhëtimit të tyre në Slloveni në mbështetje të kombëtares, është bërë virale në internet.
Të veshur me uniformën e kombëtares së tyre e me shishe birre në dorë, ata janë shndërruar pasi kanë parë një fëmijë të vogël së bashku me nënën e saj. Ata kanë nisur t’i këndojnë të gjithë së bashku një ninullë kroate vajzës së vogël, ndërsa ajo i sheh e hutuar.
