Armando Sadiku u transferua te skuadra e Malagës në formë huazimi mbrëmjen e djeshme, duke nisur një aventurë të re në ligën e dytë spanjolle.
Kjo lëvizje e sulmuesit shqiptar ka ngjallur interesin e mediave polaku, të cilat nuk kanë nguruar të pasqyrojnë këtë transferim.
“Ferrari u parkua, Sadiku zbaroi te Malaga”, shkruan portali polak “Trasfery.info”.
Një lajm disi ironik, pasi kujtojmë që epiteti “Ferrari”, sulmuesit iu vendos gjatë kohës që u transferua te Legia e Varshavës në Poloni.
Aventura e tij te kjo skuadër ishte tërësisht për t’u harruar.
