Vicente del Bosque ka zgjedhur pasuesin e Messit dhe Ronaldos që prej më shumë se një dekadë po dominojnë futbollin botëror.
Në një intervistë interesante për Cadena SER, ish-trajneri i Spanjës thotë që Mbappe në të ardhmen do të bëhet lojtari më i mirë në botë.
Neymar? “Jo, ai bën gjëra që nuk duhen bërë dhe nuk është një shembull i mirë. Megjithatë, mbetet një futbollist fantastik”, tha fillimisht ai.
“Mbappe ka cilësitë e duhura për të qenë pasardhësi i Messi-t dhe Ronaldo-s, duhet vetëm të përmirësojë disa aspekte të lojës së tij”, ka përfunduar Del Bosque.
Kujtojmë që ditën e hënë FIFA shpërbleu Lionel Messi me çmimin “The Best”, si lojtari më i mirë i vitit 2019. Ky vendim ka krijuar shumë polemika, sidomos nga tifozët e Cristiano Ronaldos.
