Daniele Rugani, qendërmbrojtësi i Juventusit ishte një hap pranë Zenitit në Rusi. Italiani vitet e fundit nuk i ka përmbushur pritshmëritë te bardhezinjtë dhe Paratiçi ishte gati ta shiste lojtarin.
Siç raporton “Sport Mediaset”, Zeniti dhe Juvja kishin gjetur gjuhën e përbashkët mes tyre dhe ishte shumë pranë kalimi i Ruganit në Rusi.
Por, dëmtimi i Kielinit në minutën e fundit ka prishur çdo marrëveshje mes palëve. Ishte Paratiçi ai që bllokoi kalimin e mbrojtësit, pasi mori mesazhin nga Sarri, i cili nuk donte në skuadër gjermanin Zherom Boateng.
Tashmë mundësitë për Ruganin do të jenë më të shumta për të pasur më shumë minuta në fushën e blertë.
