Liverpool arriti të fitojë bindshëm ndeshjen e djeshme ndaj Burnley.
“The Reds” triumfuan me rezultatin 3-0.
Por pavarësisht rezultatit, Sadio Mane u pa shumë i zemëruar më Mohamed Salah, pasi në një moment gjatë ndeshjes egjiptiani nuk i kishte pasuar topin, edhe pse ai ishte i vetëm brenda zonës dhe portieri nuk do të kishte mundësi ta arrinte.
Duke parë vendosjen e tij, Mane do të shënonte sikur sulmuesi egjiptian t’ia pasonte topin. Por Salah vendosi të gjuajë vetë nga një pozicion shumë më i vështirë dhe natyrisht dështoi.
Mane e shprehu zemërimin e tij kur u ul në stolin e rezervave. Edhe pse e shënoi golin e dytë të Liverpoolit, vendimi i Salah e kishte zemëruar dukshëm. Ai nisi të ankohej dhe argumentonte në stol aq shumë saqë Klopp dhe Firmino ndërhynë për ta qetësuar.
“Po, e kishte për pasimin por gjithçka është në rregull tani. Nuk ishte i kënaqur me këtë, por Sadio është djalë emocional dhe gjithmonë i shfaq emocionet para të tjerëve|, tha Klopp pas ndeshjes.
