Një mysafir special në stadiumin “Selman Stërmasi” ku po zhvillohet sfida mes Partizanit dhe Teutës e vlefshme për javën e 7-të të Kategorisë Superiore. Ai është trajneri i Kombëtares, Edi Reja.
Tekniku italian ka mbërritur në tribunën VIP të “Selman Stërmasit”. Reja ka qenë nën shoqërinë e 2 ndihmësave të tij Hamdi Salihi dhe Ervin Bulku.
Kujtojmë që ditën e nesërme në orën 11:00, tekniku i Kombëtares do të dalë në konferencën për shtyp ku do të bëjë publike listën zyrtare për 2 sfidat e muajit tetor ndaj Turqisë dhe Moldavisë.