Luhet në këto momente, sfida mes Tiranës dhe Laçit, në “Selman Stërmasi”, e vlefshme për javën e tetë në Kategorinë Superiore.
Bardheblutë vendas vijnë nga një periudhë jo e mirë, për më tepër pas një barazimi në Vlorë, dhe për Memën e të besuarit e tij fitorja është ultimatum edhe nga drejtuesit.
Nga ana tjetër, kurbinasit vijnë në “Selman Stërmasi” pa tifozë, me ndryshime në stol, teksa largimin e Sulejman Starovës e ka pasuar Armando Cungu.
Tekniku shkodran kërkon pikë, ndaj një ekipi që vitet e fundit e ka mundur, apo i ka marrë pikë përgjithësisht.
LIVE| Tirana-Laçi 2-1
(Dunga 4′, Kale 45’/ Nuabueze 6′)
KOMENTI LIVE:
Përfundon pjesa e parë !
45′ GOOOLLL Kale shënon pas një veprimi individual dhe kalon në epërsi bardheblutë.
41′ Laçi ka marrë disa metra në fund, duke sulmuar nga e majta. Vlen të theksohet se loja është e ashpër dhe e luftuar nga të dyja skuadrat.
35′ Tirana has vështirësi në qarkullimin e topit, pasi Laçi i mbyll mirë hapësirat.
33′ Dy goditje këndi për Laçin, Tirana largon. Kurbinasit fitojnë disa metra në fushë.
24′ Superaksion nga Tirana, por mungon finalizimi. Dunga pason për Hasanin, i cili godet e çon topin shumë pranë shtyllës.
17′ Tirana tenton të dominojnë sfidën, Laçi në pritje të gabimeve të bardhebluve.
14′ Goditje këndi për Laçin, Nuabeze godet me kokë, por topi shkon jashtë katërkëndëshit të Bakajt.
6′ GOOOL Vetëm dy minuta zgjat festa për Tiranën. Laçi barazon me sulmuesin Nuabueze
4′ GOOOLL Tirana zhbllokon rezultatin falë golit të Dungës.
1′ Starton sfida
FORMACIONET
TIRANA: Bakaj, Vangjeli, Osmani, Imami, Hoxhallari, Batha, Hasani, Karabeci, Kale, Kobina, Dunga. Trajner: Ardian Mema.
LAÇI: Stazhilla, Fangaj, Ignjatoviç, Domgjoni, Turkaj, Deliu, Shehu, Lushkja, Teko, Xhixha, Nuabueze. Trajner: Armando Cungu.
PANORAMASPORT.AL
