Lukas Hernandez dhe Teo Hernandez edhe pse tashmë janë duke bërë një karrierë shumë të mirë, gjatë fëmijërisë së tyre kanë kaluar momente shumë të vështira.
Babai i dy lojtarëve i ka braktisur ata kur ishin në moshën 6 vjeçare. Për t’i rritur dhe për t’i bërë futbollistë profesionistë, ka sakrifikuar së tepërmi e ëma e tyre, e cila i ka rritur me shumë mundime.
Në një rrëfim, për “Goal.com”, Lukas Hernandez, ka folur për të atin e tij dhe historinë prekëse: “Nuk e kemi kuptuar kurrë pse babai u largua. Unë dhe vëllai im ishim 5-6 vjeç kur ai iku. Nuk kemi marrë asnjë lajm nga ai. Unë me Teon kemi pasur një fëmijëri të vështirë”.
Më tej ai shton: “Nuk kam ndërmend ta kërkoj dhe ta konktaktoj. Që ka ikur, do të thotë se nuk na ka dashur. Nuk e kemi idenë nëse është gjallë apo ka vdekur”.
Babai i dy vëllezërve Herandez ka qenë futbollist dhe ka luajtur për ekipe si Atletiko apo dhe Marseja.
