Drejtuesit e Milanit kanë marrë vendimin që të shkarkojnë Xhampaolon nga stoli i ekipit, teksa kanë vendosur që rolin e trajnerit t’ia besojnë, ish-trajnerit të Interit, Stefano Pioli.
Kjo lëvizje nuk i ka pëlqyer aspak tifozëve të kuqezinjve, të cilët kanë pasur një reagim ndaj klubit për këtë vendim të marrë. Hashtagu #PioliOut, ka filluar të bëjë menjëherë xhiron e rrjeteve sociale, ndonëse tekniku italian akoma nuk është zyrtarizuar në stolin e kuqezinjve.
Nuk kanë munguar as talljet e tifozëve, të cilët nëpërmjet “memeve” kanë shfrenuar fantazinë e tyre. Talljet në rrjetet sociale për ish-trajnerin e zikaltërve janë të shumta dhe, ne po iu sjellim disa prej tyre.
