Shkëndija e Ernest Gjokës ka triumfuar me rezultatin e pastër në transfertë 0-3 ndaj Belasicas, duke rrëmbyer kryesimin e kampionatit. Kuqezinjtë nga tetova iu falën golit të Totre në minutën e 54-t dhe dopietës së Ibraimit në minutat 83 dhe 86.
Një paraqitje dinjitoze kjo për skuadrën shqiptare, teksa vlen të theksohet se të 3 golat u shënuan në pjesën e dytë. Kuqezinjtë morën një “asist” sot edhe nga ekipi shqiptar i Strugës, që mposhti Sileksin në shtëpi me rezultatin 2-0, duke e zbritur nga froni. Në 5 javë kampionat Shkëndija ka siguruar 11 pikë ndërkohë që Struga ka 7 pikë.
