Partizani ka mposhtur Skënderbeun me rezultatin 3-1, duke marrë kryesimin e kampionatit në ndeshjen e fundit të fazës së parë.
Ishte Egzon Belica ai që hapi serinë e golave në minutën e 3-të, me një gjuajtje të kalibruar me kokë, pas një harkimi nga goditja e këndit.
Nuk ka vonuar shumë, teksa në minutën e 19-të, Bruno Telushi, dyfishoi shifrat nga goditja e dënimit. Në fundin e pjesës së parë, korçarët provuan të rihapnin takimin me Gripshin, i cili realizoi në fundin e pjesës së parë.
Për t’i vendosur kapak triumfit të të kuqve, mendoi Eraldo Çinari, i cili realizoi në minutën e 60-të. Fitorja e pesë në kampionat për Partizanin, që ditën e hënë do të presë Kukësin në “Selman Stërmasi”, në orën 18:00, ndërkohë që Skënderbeu luan në transfertë ndaj Flamurtarit.
