Gjithmonë kur shkarkohet një trajner nga një klub i madh europian, emri i parë në listë që mund ta zëvendësojë atë është Masimiliano Alegri.
Ky i fundit u lidh me një kalim të mundshëm te Bajerni, sapo gjermanët shkarkuan nga psoti i trajnerit Niko Kovaç, ndërsa tani lidhet me stolin e Arsenalit. “Topçinjtë” shkarkuam ditën e sotme Unai Emeri, dhe sipas asaj që shkruan “Sky Sport” zëvendësuesi i spanjollit mund të jetë pikërisht Alegri.
Thuhet se kanë nisur kontaktet mes drejtuesve të Arsenalit dhe teknikut italian, me këtë të fundit që do të niste një aventurë të re në Premier Ligë, por jo me Junajtid, për të cilin është përfolur së fundmi. Jo vetëm kaq, më shumë detaje vijnë nga gazetari britanik Kaveh Solvehol, i cili në një intervistë është shprehur: “Alegri dëshiron të bëhet trajneri i Arsenali.”
Problemi i vetëm për këtë do të ishte anglishtja jo e mirë e trajnerit, megjithëse Alegri ka filluar një kurs për ta mësuar atë kohët e fundit.
