Në mediat sociale, ata janë portreti i dashurisë. Ata i tregojnë ndjenjat e tyre miliona ndjekësve, pa filtra.
Edhe në jetën reale, ata sillen njësoj, Alis Kampelo dhe Alvaro Morata janë një çift shumë i afërt, por mes tyre ka edhe disa grimca xhelozie. Sulmuesi i Atletikos së Madridit, i martuar tashmë prej dy vitesh me modelen, flet për “Cadena Cope”, edhe për pjesën e xhelozisë.
“Jam pak xheloz, por kam edhe audiencën time në rrjetet sociale. Jam i ndërgjegjshëm se jam martuar me gruan më të mirë dhe më të bukur në botë. Kur dikush i shkruan asaj privatisht në Instagram, edhe njerëz që e njohin prej meje, i përgjigjem direkt unë, për të treguar territorin tim. Më tej më thnoë se e kanë shkruar gabim, dhe se donin t’ia çonin mesazhin dikujt tjetër. Me pak fjalë, gjejnë një justifikim dhe gjithçka mbyllet aty” – tregon Morata.
Më tej, Morata foli edhe për grabitjen që pësoi qershorin e kaluar, kur shtëpinë e tij e vodhën disa grabitës shqiptarë teksa gruaja e tij, Alis, gjendej aty bashkë me gjyshen dhe binjakët Leonardo e Alesandro: “Është diçka e vështirë ta kalosh, kur privatësia jonë cenohet. Në shtëpi kishte fëmijë, që ishin vetëm pak muajsh, dhe nuk e meritonin diçka të tillë”.
PANORAMASPORT.AL