“Parisi është një qytet iu mbushur me racistë dhe pas një jave, bëhet shumë i lodhshëm”, pati deklaruar disa ditë më parë mbrojtësi brazilian Dani Alves në një intervistë, por duket se nuk mendon njësoj edhe partnerja e tij Joana Sanz.
Kjo e fundit ka postuar një foto në Instagram bashkë me mbrojtësin, e shkrepur në kohën kur Alves ishte pjesë e PSG-së, ndërsa një nga fansat nuk ka ngurruar t’i kujtojë Joanës fjalët e futbollistit për kryeqytetin francez.
“Ai ishte mendimi i Alves. Unë mendoj ndryshe”, iu përgjigj modelja komentuesit që i kujtonte fjalët e partnerit në lidhje me kryeqytetin francez.
