Tre ishin lojtarët shqiptar që luajtën me ekipet e tyre në Serie A, në ndeshjet e orës 15:00.
Në ndeshjen Helas Verona-Fiorentina, Amir Rrahmani ishte një nga futbollistët më të mirë në fushë, teksa “Tuttomercatoweb”, e vlerëson mbrojtësin me notën 6.5. “Një gjigand në mbrojtje, dhe një mjeshtër i topave në ajër. Gjithashtu nuk i la asnjë hapësirë Riberisë, dhe ishte më i miri nga lojtarët në repartin e mbrojtjes.”, shkruhet në vlerësimin për mbrojtësin.
Bresha u mposht nga Roma me rezultatin 3-0, teksa mesfushori Emanuele Ndoj vlerësohet me notën 5.5. “Mban shumë mirë mesfushën në 45 minutat e para, duke bllokuar mesfushorët e Romës. Në pjesën e dytë vuan presionin e sulmeve verdhekuqe, dhe zëvendësohet në minutën e 62’.”
Lacio mposhti me rezultatin 2-1 Sausuolon, me Strakoshën që u vlerësua me notën 6 nga “Tuttomercatoweb”. “Mund të kishte bërë më shumë në golin e parë të kundërshtarit. Pjesën tjetër kishte një performancë të mirë dhe të kujdesshme.”
