“Nuk kam ndërmend të tërhiqem. Po shijoj momentin, por jam në kërkim të stimujve të tjerë për të ardhmen”, u shpreh Lewis Hamilton, pas zërave se mund të tërhiqet në fund të vitit 2020, pasi të përfundojë kontratën që ka me makinën Mercedes.
“Dua që sezonin tjetër të fitoj titullin e 7-të kampion. E urrej veten kur humbas një garë edhe pse jo kaq shumë sa kur isha i ri që nevrikosesha shumë”, u shpreh britaniku, 6 tituj kampionë bote në Formula 1.
Gjithsesi, Hamilton e di mirë se sezonin e ardhshëm do të hasë në një rivalitet më të madh.
“Leclerc dhe Verstappen do të jenë kampionët e ardhshëm të botës, por shpresoj jo vitin tjetër. Janë të rinj dhe pilotojnë mjaft mirë, por përvoja ime mund të bëjë diferencën për t’ia dalë sërish mbanë”, tha Hamilton.