Karriera e yllit të Arsenalit Mesut Ozil mund të pësojë goditjen e parë serioze. Ish-kampioni i botës me Gjermaninë në Kupën e Botës 2014 i ka acaruar së tepërmi marrëdhëniet jo vetëm me klubin, por dhe me tifozët londinezë. Nervozizmi në takimin e fundit të në kampionat me Mançester Sitin kur u zëvendësua ka ngritur dyshime se 30-vjeçari mund të mbyllë që në janar kapitullin 6-vjeçar te “Topçinjtë”.
Media turke e futbollit “Fotomac” pretendon se Ozil do të kalojë tek ekipi i Fenerbahçes në formë huazimi deri në fund të sezonit. Gjithmonë, kjo media shton se drejtori i klubit të famshëm turk Damien Komoli ka qenë në Londër para dy javësh ku ka diskutuar çështjen e spostimit të mesfushorit turko-gjerman nga Anglia në Turqi dhe po negociohen detajet e fundit të marrëveshjes.
