Juventusi po mendon të përforcojë krahët e sulmit për sezonin e ri, pavarësisht se bardhezinjtë kanë krijuar një tre-dhëmbësh të frikshëm me Ronaldon, Dibalën dhe Higuainin.
Sipas “Tuttosport”, kampionët në fuqi të Italisë i kanë vënë syrin talentit të Romës dhe Italisë Nikola Zaniolo.
Raportohet se operacioni për transferimin e 20-vjeçarit nga Roma në Torino i është besuar zyrtarit të klubit Fabio Paratiçi. Mësohet se lëvizjet për blerjen e Zaniolos do të nisin në verën e 2020-ës.
Juventusi duhet të llogarisë mirë shpenzimet teksa Zaniolo kushton së paku 50 milionë €.
