Gennaro Gattuso, trajneri i Napolit, ka folur sot në konferencë për shtyp për ndeshjen e radhës, atë ndaj Sassuolos. Trajneri kërkon fitoren e parë në stolin e ekipit axurr, por sigurisht që zemra e tij vazhdon të jetë milaniste. Në fakt, teksa po fliste për transfertën e vështirë në Rexho Emilia, trajneri është ngatërruar dhe ka thënë Milan-Sassuolo… për ta ndrequr më pas në Sassuolo-Napoli!
Kujtojmë që Gattuso ka fituar gjithçka me Milanin dhe është tifozi i parë i kuqezinjve, ku edhe e çoi në vend të pestë, një pikë larg zonës Champions, për tu dorëhequr më pas.
