Elis Bakaj duket se ka vendosur t’i japë fund aventurës së tij tek Shaktjor Soligorsk në Bjellorusi.
Nëpërmjet një postimi në “Instagram”, sulmuesi shqiptar njofton se pas dy viteve mjaft të bukura, ka vendosur që të largohet.
“Faleminderit, Shaktjor, për këto dy vite të bukura të jetës sime. Më dhatë të gjitha kushte të luaja futbollin tim më të mirë. Dua të falënderoj shokët e mi, tifozët, trajnerët dhe të gjithë nga Soligorks. Lamtumirë! Falenderime” – shkruan Bakaj në postimin e tij, duke i hapur dyert tashmë një aventure të re në karrierë.
32-vjeçari tashmë është i lirë në merkaton e janarit, dhe nuk përjashtohet edhe një rikthim në Kategorinë Superiore për pjesën e dytë të sezonit.
