Në verë zgjati edhe për 3 vite kontratën me Akhmat Grozny, por pavarësisht kësaj, sirenat e merkatos për Odise Roshin vijojnë të bien.
Është vetë futbollisti i kombëtares shqiptare që e zbulon një gjë të tillë, ku për “Rtv Ora” zbuloi se nëse e kërkojnë në Seria A nuk do të mendohej dy herë për tu transferuar atje.
“Ka pasur interesimi të vazhdueshëm. Kontaktojnë me menaxherët pothuajse çdo javë. Por për momentin jam në pauzë pushimi dhe dua ta shijoj këtë. Më të mirët do t’i hapim derën. Nëse vjen një kontratë e mirë dhe biem dakord gjithmonë për “PO”, normale. Por deri tani në Grozny jam shumë i respektuar nga të gjithë, si presidenti, trajneri, lojtarët, tifozët dhe ndihem si në shtëpi. Gjithmonë dëshira ime është për të luajtur në Seria A. Jam tifoz i Milanit, rrëfen Roshi.