Trajneri i Liverpool-it, Jurgen Klopp, ka dashur të frenojë entuziazmin pas fitores 2-1 kundër Wolves, që ka lejuar Të Kuqtë të thellojnë me 16 pikë diferencën me Manchester City-n me akoma një ndeshje për të rikuperuar.
Megjithatë, trajneri gjerman nuk do të dëgjojë se lufta për titull në Premier League është e mbyllur. “Do të mbarojë kur të mbarojë. Jo më parë. Pse duhet të mendojmë që tani për titullin? Mesazhi që mund të humbasim gjashtë ndeshje dhe ta fitojmë gjithsesi titullin më bën për të vjellë vetëm kur e dëgjoj, të them të drejtën”, ka qenë deklarata e Klopp pas ndeshjes.
“Për këtë arsye duhet të vazhdojmë përpara të përqendruar sepse kemi një kalendar të vështirë: Shewsbury të dielën, West Ham-in të mërkurën, Southampton-in të shtunën. Është e vështirë. Dhe duhet të gjejmë zgjidhje të ndryshme për ndeshje të ndryshme. Duhet të punojmë”. Telesport
