Merkato e janarit këtë sezon në Premier League nuk ka qenë edhe aq aktive, me ekipet “big” që kanë qëndruar disi në hije. Mjafton të përmendim faktin që transferimin më të shtrenjtë të këtij afati kalimtar e ka bërë Wolves.
Klubi nga “Molineaux Stadium” ka arritur marrëveshjen me Olympiacos për transferimin e Daniel Podences. Portugezi do të bashkohet me Wolves për 23 milionë euro dhe ditën e sotme do të kryejë vizitat mjekësore.
Përveç 23 milionë eurove, Wolves mund të paguajë edhe 5 milionë të tjera në formë bonusesh, nëse arrihen disa objektiva, normalisht duke u bazuar edhe në minutat që do të aktivizohet Podence.
