Tirana ka humbur miqësoren e parë në tokën turke, teksa është mposhtur me rezultatin 2-1 nga Alaniaspori.
Në përgjithësi ishte një ndeshje e qetë nga të dyja ekipet, të cilat studionin njëra-tjetrën me kujdes. Të parët që kaluan në avantazhi ishin turqit, të cilët gjetën golin e parë të ndeshjes me Karaca në minutën e 28’.
Pas kësaj bardheblutë u hodhën në sulm për golin e barazimit, por pa sukses. Pjesa e dytë nisi përsëri e qetë, me të dyja ekipet që kërkonin golin. Ishte Tirana që realizoi, teksa në minutën e 62’, Majkël Ngo realizoi një gol shumë të bukur, pas një aksioni perfekt.
Megjithatë barazimi vazhdoi shumë pak, pasi në minutën e 70, Alaniaspor kaloi përsëri në avantazh, teksa Kampos shënoi një gol shumë të bukur me këmbën e majtë.
Formacioni zyrtar: Bakaj, Doka, Vangjeli, Muça, Hoxhallari, Batha, Çelhaka, Kale, Torasa, Halili, Muçi. Trajner: Manuel Egbo.
