Boksieri britanik Anthony Joshua ka deklaruar sot për “Sky Sports” se pavarësisht zërave ai synon të përballet me amerikanin Deontay Wilder. Një sfidë që do të unifikonte titujt kampionë bote në peshën e rëndë. Jo vetëm kaq, por Joshua parashikon një fitore me “KO” ndaj Wilder. Joshua aktualisht mban titujt kampionë bote në kategoritë WBA, WBO dhe IBF, ndërsa Wilder mban titullin e kategorisë WBC.
Duke analizuar sfidën ndaj Wilder, Joshua tha: “Një përballje kampionësh. Gjithsesi, Wilder nuk do të ishte në këmbë në raundin e shtatë, pasi do ta hedh në tapet më herët, brenda 6 raundesh. Nuk do të jetë një duel me 12 raunde, pasi unë do ta hedh më herët në tapet. Nuk do ta lejoj të argëtohet me mua në ring, pasi të gjithë e dimë forcën e grushtit të tij. Nuk më tremb dhe ai e di mirë këtë gjë. Jam këtu edhe për atë”.
Wilder dhe Fury pas duelit te pare
