Hakim Zijesh mund të largohet nga Ajaksi që në muajn janar. Marokeni i kampionëve të Holandës, ka shkëlqyer dy sezonet e fundit dhe pritet të bëjë një hap tjetër në karrierën e tij.
Siç raportojnë mediat në Angli, Arsenali është gati të ofrojë 50 milionë euro për 26 vjeçarin, që po luan sezonin e tij të tretë tek Ajaksi.
Një interesim nga ana e “topçinjve” ka pasur që në merkaton e verës, por ekipi i drejtuar nga Emeri asokohe u step për blerjen e lojtarit.
Në 28 ndeshje në të gjitha kompeticionet këtë sezon, Zijesh ka shënuar 8 gola dhe dhuruar plot 21 asist.
