Malaga po vuan shumë këtë sezon, pasi klubi ka probleme ekonomike, por dhe situatat në aspektin futbollistik nuk janë më të mira. Ekipi i kategorisë së dytë spanjolle po lufton për të qëndruar në kategori, ndërsa një goditje të fortë ka marrë trajneri Víctor Sánchez del Amo.
Teknikut i është shpërndarë një video me përmbajtje seksuale në internet. Skandali u bë menjëherë viral duke u shpërndarë me shpejtësi të madhe. Sanchez deklaroi se po vuante. “Po vuaj një krim, pasi po shkelet privatësia ime. Ata donin para nga unë për të mos e shpërndarë videon, ishte shantazh”.
Reagimi i Malagas nuk ka vonuar, pasi menjëherë klubi ka marrë vendimin për pezullimin e tij deri në sqarimin e çështjes. Situata nuk është aspak e favorshme për klubin që tani mund të mbetet dhe pa trajner.
