Skuadra e Clippers, falë 23 pikëve të George dhe 23 të Shamet, fitoi 128-111 ndaj Miami, një ndeshje me dy pamje. Miqtë luajtën më mirë në pjesën e parë (Jones 25 pikë e 11 rebound), por në të dytën erdhi përmbysja e ekipit kalifornian, që e meritoi fitoren (24 tripikësha, rekord për Clippers). Fiton edhe Denver, që mundi 98-95 Utah Jazz, një përballje mes dy ekipesh pretendente në Perëndim. Të dyja skuadrat e kërkuan fitoren, por në fund triumfoi Nuggets, ku u dalluan Murray me 31 pikë dhe Jokic me një “triple double” (30 pikë, 21 rebound e 10 asist).
Fitore në sekondat e fundit për kampionët e Toronto, që mposhtën 119-118 Indiana, ndeshje me rivalitet dhe emocione. Indiana u shkëput deri në 18 pikë (Brogdon 24 pikë), por në fund erdhi përmbysja e ekipit kanadez me Lowry (32 pikë e 10 asist), Ibaka (30 pikë) e Siakam (25 pikë). Pa probleme fiton Boston, që mundi 116-100 Orlando (Tatum 33 pikë), ndërsa Oklahoma triumfoi 109-103 ndaj Cleveland (Schroder 30 pikë). Surprizon Memphis, që falë një loje të mirë kolektive (6 lojtarë mbi 13 pikë) mundi 121-107 Dallas (Porzingis 32 pikë).
NBA – Rezultatet e sotme
Detroit – Phoenix, 116-108
Boston – Orlando, 116-100
Brooklyn – Golden State, 129-88
Toronto – Indiana, 119-118
Minnesota – Atlanta, 120-127
Oklahoma – Cleveland, 109-103
Dallas – Memphis, 107-121
Utah Jazz – Denver, 95-98
Clippers – Miami, 128-111
