Nuk ka më dyshime. Supersfida e javës mes Tiranës dhe Skënderbeut do të zhvillohet në stadiumin e ri “Air Albania”. Lajmi është konfirmuar së fundmi nga klubi bardhe, i cili ka njoftuar gjithashtu se nga sot ka nisur shitja e biletave tek dyqani i “FSHF”-së, pranë ambasadës amerikane.
Tifozeria bardheblu ka në dispozicion tribunën qendrore (W), tribunën karshi (E) dhe tribunën mbas portës nga ana e qytetit ( N ). Tifozeria mike do të ketë në dispozicionin tribunën nga liqeni (V). Për sa i përket çmimeve, bileta më e lirë kushton 500 lekë të reja, ndërkohë që më e shtrenjta kushton 3000 lekë të reja.
NJOFTIMI I KLUBIT:
Ka nisur sot shitja e biletave tek dyqani “FSHF”, për ndeshjen e rradhës KF Tirana – KF Skënderbeu, ndërkohë nga nesër nis shitja në pikat e tjera.
Pikat e shitjes:
1. Biletaria “Selman Stërmasi” 09:00-19:00
2. Dyqani FSHF tek “Rruga Elbasani” 10:00-18:00
3. Biletaria në krah të Neptun “9 Katëshet”
4. Ish-Fusha Aviacionit godina 14-15 “All in One”
5. Online https://ebileta.al
Tifozeria bardheblu ka në dispozicion tribunën qëndrore (W), tribunën karshi (E) dhe tribunën mbas portës nga ana e qytetit ( N ). Tifozeria mike do të ketë në dispozicionin tribunën nga liqeni (V).
Shënim: Të gjithë personat e pajisur me abone sezonale do të kontaktohen nga klubi për paisjen me biletë në sektorin ku kanë abonenë.
