Malaga nuk i ka mbyllur punët me ish-trajnerin e tij Viktor Sançez del Amo për sa i përket dëmshpërblimit pas shkarkimit të tij në fillim të këtij viti.
Palët nuk kanë arritur të gjejnë gjuhën e përbashkët rreth kompensimit të 43-vjeçarit, i cili u shkarkua nga posti i trajnerit të skuadrës andaluziane pas publikimit të një video-je skandaloze erotike.
Sançez kërkon të paguhet 600 mijë € për mbyllje të parakohshme të kontratës me Malagën.
Vendin e tij e mori Serxho Peliser. Problemet financiare të klubit po ndikojnë dhe në rezultatet e skuadrës këtë sezon në La Liga 2.
