Mauro Ikardi u largua nga Interi në merkaton e verës së kaluar, teksa kaloi në formën e huazimit me të drejtë blerje te PSG-ja.
Pikërisht në fillim të sezonit tregoi një formë shumë të mirë me francezët, por tani forma e tij duket se ka rënë dhe parisienët po mendojnë që të mos e shfrytëzojnë të drejtën e blerjes.
Në këtë situatë argjentinasi do të kthehet te Interi, ku me shumë mundësi nuk do të qëndrojë për shumë gjatë. Sipas asaj që shkruan “Tuttosport”, Juventusi e ndjek prej kohësh sulmuesin dhe dëshiron ta marrë në ekip.
Megjithatë bardhezinjtë nuk janë ekipi i vetëm që interesohet për Ikardin, pasi i njëjti raport thotë se në gjurmët e lojtarit është edhe Reali që e do në ekip.