Edhe në prag të sfidës me Flamurtarin, presidenti Refik Halili është takuar me ekipin. Tirana do të luajë një nga ndeshjet më të rëndësishme sa i përket realizimit të objektivave.
Përballja me kuqezinjtë ka jo vetëm vlerën e tri pikëve, por ajo është një tregues i qartë i vazhdimësisë së bardhebluve në këtë fazë finale ku kryeqytetasit janë në garë për objektivin… titull.
Gjatë pasdites së djeshme, presidenti i Tiranës, Refik Halili, ka bërë një mbledhje me skuadrën ku ka kërkuar prej tyre maksimumin në këtë sfidë dhe realizimin e objektivave për këtë sezon. Sipas Halilit, kjo sfidë është më e rëndësishmja për gjithë sezonin 2019-2020.
