Ditën e sotme u mor vendimi përfundimtar për sa i përket Euro 2020, i cili tashmë është shtyrë për vitin e ardhshëm dhe do të luhet në 11 qershor- 11 korrik.
Kjo erdhi për shkak të panikut nga Koronavirusi dhe pezullimit të shumë kampionateve në Europë. Megjithatë nuk do të shtyhet vetëm Europiani për vitin e ardhshëm, pasi edhe Kupa e Amerikës e cila ishte planifikuar të luhej këtë verë me shumë mundësi do të shtyhet për vitin 2021.
Vendet ku do të zhvillohet kompeticioni janë Argjentina dhe Kolumbia. Kupa e Amerikës do të nisë në 11 qershor 2021, ndërsa finalja e madhe do të luhet më 11 korrik 2021.
Pra në këtë situatë, verën që po vjen do të kemi kampionatet europiane deri në fund të qershorit dhe nuk do të ketë ndeshje kombëtaresh, të cilat janë shtyrë për vitin tjetër.
