Duhet vetëm zyrtarizimi, por sipas “Le Parisien”, finalja e Kupës së Francës, e parashikuar më 4 prill mes PSG dhe Lyon, do të shtyhet në sajë të momentit të vështirë mbi koronavirusin dhe përhapjen e tij. Ishte biseduar për të luajtur me dyer të mbyllura duke iu përmbajtur dispozitave të qeverisë franceze që ndalonte manifesimet me mbi 1000 spektatorë. Por, ndeshja mbetet për t’u rikontrolluar në kalendar.
Jo vetëm finalja e Kupës së Francës, por edhe Kupës së Spanjës, që duhet të luhet më 18 prill në Sevilja mes Athletic Bilbao dhe Real Sociedad, mund të shtyhet. Pritet një vendim i fundit, teksa aktualisht është dhënë të luhet, por pa tifozë.
