Pavarësisht se janë rivalë për të fituar titullin kampion në Serinë A, presidenti i Juventusit Andrea Anjeli nuk e fsheh respektin qe ka për presidentin e Interit, Stivën Zhang.
Presidenti bardhezinjve gjithashtu tregoi se para disa javësh ka darkuar me Zhang, ku ndanë mendime të njëjta në lidhje me situatën e emergjencës krijuar pas përhapjes së koronavirusit.
“Stivën Zhang? Kam shumë respekt për të. E takova para disa javësh dhe ndajmë të njëjtin mendim në lidhje me situatën e emergjencës krijuar nga koronavirusi.
Hëngrëm darkë para dy javësh, ku diskutuam gjatë për koronavirusin në Kinë dhe përtej. E respektoj shumë dhe e di se dhe për të prioritet është mbrojtja e shëndetit publik. Vendimet nuk i marrin klubet, por ne thjesht i bindemi ligjeve,” deklaroi Anjeli.
