Conor McGregor, ish-kampioni i dyfishtë i botës në artet marciale mikse, po përgatitet seriozisht për rikthimin e tij në kafaz. Ai u dëmtua në sfidën e fundit (korrikin e vitit të kaluar), u operua dhe tani është gati për të dueluar sërish. Irlandezi, 33 vjeç, ka postuar foto në rrjetet sociale nga stërvitja e tij, ku duket në formë të mirë sportive.
“Shoh me optimizëm përpara, duke mos u ndalur asnjëherë. Dua t’u thyej surratin të gjithë atyre që do të më dalin përpara në kafaz. Për momentin stërvitem me thasët, por shpejt do të sfidoj ata të vërtetët, frikacakët e thashemexhinjtë”, shprehet Conor McGregor, që synon të duelojë në prill-maj të këtij viti, por ende nuk ka asgjë zyrtare.
