Teksa çështja e së ardhmes së futbollistit të Interit Lautaro Martinez vazhdon të shkaktojë lajme, një hipotezë e re po qarkullon në mediat e huaja në lidhje me zëvendësuesin e mundshëm të argjentinasit.
Media britanike “Telegraph” informon se sulmuesi dhe kapiteni i Totenhemit Herri Kejn mund të kalojë gjatë verës te Interi. Ai shikohet si lojtari ideal që do të mbulojë hapësirën e Lautaros, gjithmonë nëse argjentinasi largohet nga “San Siro”. Po kjo media shton një tjetër faktor që Kejn mund të zgjedh për sezonin tjetër të luajë për Interin: marrëdhënia shumë e mirë që ka me Kristian Eriksenin.