Andre Silva është i huazuar tek Eintracht Frankfurt, në një huazim 2-vjeçar nga Milani. Portugezi duket se është i lumtur në Gjermani dhe për “BILD” ka folur së fundmi, duke thënë se dëshiron të qëndrojë te Frankfurt.
“Më trajtojnë shumë mirë këtu. E dashuroj qytetin, tifozët dhe Bundesligën. Kështu që ka shumë arsye për të qëndruar. Kam qenë në formë të shkëlqyer kohët e fundit”, shprehet Andre Silva.
Sulmuesi u bë pjesë e Milanit në vitin 2017, kohë kur u mor nga Porto për plot 38 milionë euro. Portugezi ka zhvilluar vetëm një sezon me kuqezinjtë, pasi fillimisht u huazua te Sevilla, ndërsa tashmë është te Frankfurt.
