Futboll në kohën e koronavirusit! i vështirë, por jo i pamundur. Sporti më popullor në botë jeton për tifozët dhe me tifozët, ndaj Midtjylland, skuadra daneze, ka shpikur një ide super të bukur për t’I dhënë mundësi tifozerisë që të ndjekë ndeshjet pa pasur edhe kontakt mes tyre.
Klubi danez po mendon për të instaluar dy ekranë të mëdhenj në parkimin e MCH Arena, stadium i Midtjylland: tifozët mund të ndjekin kështu ndeshjet të ulur në makinë si “drive-in” të famshme në Amerikë.
Hapësira pranë stadiumit mund të presë rreth 10 mijë spektatorë, duke mbajtur kështu edhe distancat mes tyre. Sipas medieve daneze, klubi po flet edhe me autoritetet lokale dhe Bashkinë për të realizuar idenë.