Mesfushori i Juventusit, Matuidi duhet të mbetet në izolim edhe për 14 ditë të tjera. Kjo gjë është konfirmuar nga gruaja e tij, Isabel, në llogarinë e saj në Instagram.
Francezi doli pozitiv në COVID-19 në testin e bërë më 17 mars. Pasi kaloi dy javë në karantinë, Matuidi ka bërë edhe testin e dytë, dhe sërish ka rezultuar pozitiv, gjë e cila vërteton se ai duhet të mbetet i izoluar edhe për dy javë tjera. Matudi është në mesin e tre lojtarëve të Juventus që janë prekur me koronavirusin, përfshirë Ruganin dhe Dybalan.
