Një lajm mjaft i mirë ka ardhur ditën e sotme nga Anglia, ku është konfirmuar se trajneri i Arsenalit, Mikel Arteta ka fituar betejën e tij me Coronavirusin.
Disa javë më parë, klubi londinez njoftoi se numri një i stolit ishte prekur nga COVID-19 dhe se do të mbahej nën kujdes. Tashmë, Arteta ka dalë negativ në testin e fundit dhe është shëruar plotësisht nga virusi.
Spanjolli do të rinisë të mendojë për ekipin e tij, si dhe për merkaton e verës, pasi shumë lojtarë po përfliten për një kalim tek Arsenali.
