Interi ka pritur Hakimin për vizitat mjekësore dhe firmën në kontratën që do ta lidhë për 5 vite me zikaltërit, por rrezikon që të humbasë Alexis Sanchez, pasi sipas “The Sun” akordi me Manchester United ende nuk është gjetur dhe koha “nxiton”…
“Djajtë e Kuq” nuk kanë ndër mend që të lënë kilenin te Interi deri në fund të sezonit (duke shtyrë huazimin që skadon sot). Duke qenë se Manchester është në garë për Europa League dhe për kualifikimin në Champions nëpërmjet kampionatit, duan të dobësojnë Interin duke i hequr sulmuesin.
Priten zhvillime por Sanchez përgatitet që të kthehet në Angli dhe të rinisë stërvitjen me ekipin e Solskjaer. Megjithatë, klubet mund të diskutojnë edhe për sa i përket shortit të Europa League dhe vendosin klauzolë speciale: në rast se shortohet Interi përballë United, Sanchez do të kthehet në Angli, ose mund të mos zbresë në fushë.
Sa i përket Moses, kontaktet me Chelsea janë të vazhdueshme dhe situata duket shumë ndryshe nga Sanchez. Edhe mbrojtësit i skadon huazimi sot dhe duhet gjetur gjuha e përbashkët e shtyrjes së kontratës.