Makina gjermane Mercedes ka vendosur të vijojë betejën e saj në luftën kundër racizmit. Në garën e parë sezonale të Formula 1, që zhvillohet më 5 korrik në Austri, Mercedes do të ketë një pamje krejt të veçantë.
Në këtë garë makina gjermane nuk do të jetë në ngjyrat e saj të zakonshme por do të jetë tërësisht e zezë. Një ngjyrë e përzgjedhur për të vijuar betejën ndaj racizmit, betejë që kohët e fundit është bërë shumë e ndjeshme në këtë sport.
“Jemi krenarë për kulturën tonë dhe vlerat që përçon ajo. Vetëm 3% e punonjësve tanë i përkasin pakicave dhe vetëm 12% janë femra. Ndaj dhe do të vazhdojmë t’i mbështesin këto pakica, duke ndërmarrë këtë nismë”, thuhet në komunikatën e Mercedes.
Makina Mercedes që pilotët Lewis Hamilton dhe Valtteri Bottas do të kenë në këtë garë do të kenë edhe disa shkrime. “End Racizm” (fund racizmit) dhe “We Race As One” (garojmë të bashkuar).
