Real Madridi është shokuar pasi njëri prej futbollistëve të tij Mariano Diaz ka rezultuar pozitiv në testin e fundit anti-koronavirus.
Fillimisht, lajmi u publikua nga mediat spanjolle “Cadena Cope” dhe “Onda Cero”, të cilat bënë me dije se një futbollist i kampionëve të Spanjës është infektuar me COVID-19. Më pas, Reali konfirmoi se Mariano Diaz është personi i infektuar me koroavirus.
Mediat iberike raportojnë se Diaz është futur në izolim, ndërsa Reali po bën përgatitjet për ndeshjen e kthimit të fazës së 1/16-ave të Ligës së Kampioneve me Mançester Sitin në Angli.
Nuk dihet nëse takimi do të lejohet të luhet, pasi qeveria britanike dha “ok”-in gjatë kësaj jave që ndeshja të vazhdojë normalisht.