Tashmë është zyrtare, Andrea Pirlo do të jetë trajneri i ri i Juventusit U-23. Lajmi është konfirmuar nga vetë klubi bardhezi, nëpërmjet një njoftimi në faqen zyrtare.
Pasi shkroi historinë si futbollist duke fituar shumë trofe me fanellën e Milanit dhe Juventusit, 41-vjeçari kërkon të përsëris të njëjtin sukses edhe në rolin e trajnerit.
Kujtojmë që Pirlo do të ketë në ekipin e tij edhe sulmuesin e Kombëtares, Xhakomo Vrioni, i cili është pjesë e 23-vjeçarëve të Juventusit, prej afro 1 sezoni. Kjo është eksperienca e parë e Pirlos si trajner.
