Futbollisti i Shqipërisë Albion Ademi e nisi sezonin e ri në Finlandë me një gol të jashtëzakonshëm.
21-vjeçari zhbllokoi takimin Ilv-Marieham në minutën e 21-ë duke realizuar një parabël të bukur ndaj kundërshtarit. Pasi vrapoi drejt zonës kundërshtare, Ademi e gjeti të vështirë të krosonte dhe harkoi topin në cepin tjetër të portës duke mos i dhënë asnëj shans portierit ta ndalte goditjen.
Megjithatë, Ademi nuk mundi ta shpëtonte skuadrën e tij Marieham nga humbja pasi vendasit triumfuan me rezultatin 4-3.
