Transferimi i futbollistit të Shqipërisë Myrto Uzuni nga Lokomotiva e Zagrebit te Ferencvaroshi në Hungari është raportuar si lajm edhe në Greqi.
“Imerazante.gr” shkruan se suksesi i kalimit të 25-vjeçarit në Hungari vjen si meritë dhe akademisë Doksa Pikadagion, aty ku futbollisti beratas mësoi hapat e para drejt futbollit.
Përveç kësaj, media helene shton se Uzuni nuk e ka harruar akademinë ku u rrit si futbollist, teksa disa vite më parë vizitoi akademinë në fjalë duke i shprehur mirënjohjen për edukimin si lojtar profesionist.
Uzuni ka firmosur për 4 vite me klubin e njohur hungarez. Ai u shit nga Lokomotiva për shifrën e 1.8 milionë eurove. Nga ky operacion përfitoi dhe Laçi pasi ka në marrëveshje të drejtën e përfitimit 20% të shifrës së transferimit të sulmuesit të krahut.
Faksimile e artikullit të “Imerazante.gr” për transferimin e Myrto Uzunit te Ferencvaroshi