Trajneri i Barcelonës Kike Setien do të jetë në krye të Barcelonës të paktën dhe për ndeshjen e kthimit të fazës së 1/16-ve në Ligën e Kampioneve me Napolin.
Pas bisedës që pati me kapitenin e skuadrës Lionel Mesi në dhomat e zhveshjes pas ndeshjes së fundit të kampionatit spanjoll, Setien ka marrë garanci nga skuadra për të dhënë më të mirën në Ligën e Kampioneve.
Megjithatë, stoli i tij po lëkundet shumë dhe shkarkimi mund të vijë përpara përfundimit të fushatës së Ligës së Kampioneve.
Përveç dështimit në kampionat, kupë dhe Superkupën e Spanjës, stili i lojës së Barcelonës nën drejtimin e Setien ka zhgënjyer shumë.
